கோவை சேர்ந்த ஒரு பெண் "call me thamanna" என்ற இன்ஸ்டாகிராம் பக்கத்தில் வீடியோ பதிவிட்டார். அரிவாள் வைத்திருப்பது போலவும், கத்தியை கொண்டு மிரட்டுவது போலவும் நடித்திருந்தார். இதனை பார்த்த சைபர் கிரைம் போலீஸ், தூக்கிடலாம் என முடிவு செய்தனர். தமன்னாவை தேடி அழைந்தனர். போலீஸ் கையில் சிக்கவில்லை. இதற்கிடையில் அவரது பழைய வீடியோக்கள் எல்லாம் வைரலானது. அதில் ரொம்பவும் ரௌடிசம் இருந்தது. 

வீடியோக்களில் ஆபத்தான ஆயுதங்களைப் பயன்படுத்துவது சட்டப்படி குற்றமாகும். இது மற்றவர்களை வன்முறை நடத்தையில் ஈடுபட ஊக்குவிக்கும். இதுபோன்ற வீடியோக்களை தங்கள் ஆன்லைன் தளங்களில் பதிவேற்ற வேண்டாம் என்று காவல்துறை எச்சரித்துள்ளது. இளைஞர்களிடையே வன்முறையைத் தூண்டியதற்காக பலரும் தமன்னாவை கண்டித்துள்ளனர். இப்போது தமன்னா சேலம் சங்ககிரியில் கைது செய்யப்பட்டதாக தகவல் வெளியாகியுள்ளது. 

முதலில் வினோதினி என்று அழைக்கப்படும் இவரை இன்ஸ்டா ரீல் வைரலானதில் இருந்து போலீசார் தேடி வருகின்றனர். வினோதினி ஏற்கனவே தனது காதலனுடன் கஞ்சா கடத்தல் வழக்கில் கைது செய்யப்பட்டார் என்பது குறிப்பிடத்தக்கது. ஆனால், கர்ப்பம் தரித்ததால் அவர் விடுவிக்கப்பட்டதாக அறிக்கை கூறுகிறது. சமூக ஊடக தளங்களில் வலம் வரும் தனது வீடியோக்கள் பழையவை என்றும், இதுபோன்ற செயல்களில் ஈடுபடுவதை நிறுத்துவதாகவும் வீடியோவை வெளியிட்டார். சிறையில் இருந்து வெளியே வந்த பிறகு தனது கணவருடன் நிம்மதியான வாழ்க்கையை நடத்தி வருவதாகவும் தெரிவித்தார்.