Timeless

டேய் இந்தக்காரை வாங்குவது என்ன சாதாரண விஷயமா? இதை இப்படி தூக்கிட்டு போனா என்ன அர்த்தம்? அப்படி என்ன பெரிய தப்பு பண்ணிட்டாரு கார் ஓனர்?

Jun 12 2021 06:47:00 PM

கார்கள் அனைத்தும் பொதுவாக உள்புறம் மற்றும் வெளிப்புறம் என எல்லா பக்கங்களிலும் ஒரே மாதிரியாகத்தான் அந்தந்த நிறுவனங்களால் வடிவமைக்கப்படும். இருந்தாலும் காரை வாங்கும் பலர் தங்கள் கார் தனித்துவமாக இருக்க வேண்டும் என்பதற்காக அதில் சில மாடிபிகேஷன்களை செய்து கொள்வதும் வாடிக்கைதான். மாடிபிகேஷன் செய்து தருவதற்காகவே சில பிரத்யேக நிறுவனங்களும் சந்தையில் இயங்கி வருகிறது.

rolls-royce-phantom ceased-in-italy

ஒவ்வொரு நாட்டிலும் கார் அல்லது மற்ற வாகனங்களை மாடிபிகேஷன் செய்து பயன்படுத்துவதற்கு என்று சில நெறிமுறைகள் உள்ளது. எனவே மாடிபிகேஷன் செய்வதற்கு முன் உரிய அனுமதியை பெற்று சட்ட திட்டங்களுக்கு உட்பட்டு தான் அனைத்தையும் செய்தாக வேண்டும். ரோல்ஸ் ராய்ஸ் கார்களை பொறுத்தவரையில் அதில் ஒரு தனிச்சிறப்பு இருக்கிறது. மிகப்பெரிய சொகுசு கார் நிறுவனங்களில் ஒன்றான ரோல்ஸ் ராய்ஸ் நிறுவனத்தின் எல்லா தயாரிப்புகளும் ஒரே மாதிரி இருக்காது.

rolls-royce-phantom ceased-in-italy

ரோல்ஸ் ராய்ஸ் கார்கள் ஒவ்வொன்றும் வித்தியாசமான முறையில் உருவாக்கப்படும். மேலும் பிரத்யேகமான வண்ணங்களிலும் வடிவமைக்கப்படும். இந்த காரிலும் சில மாடிபிகேஷன் செய்து பயன்படுத்துவோரும் உலகத்தில் இருக்கின்றனர். இத்தாலியை சேர்ந்த நிறுவனம் ஒன்று ரஷ்யாவிலிருந்து ரோல்ஸ் ராய்ஸ் பேண்டம் மாடல் கார் ஒன்றை இறக்குமதி செய்து அந்தக்காரில் சில இண்டீரியர் மாடிபிகேஷன்களை செய்துள்ளது.

rolls-royce-phantom ceased-in-italy

ரோல்ஸ் ராய்ஸ் காரின் வேலைப்பாடுகள் லெதரால் மேற்கொள்ளப்படுவது வழக்கம். ஆனால் இத்தாலியை சேர்ந்த அந்த நிறுவனம் முதலையின் தோலை பயன்படுத்தி இண்டீரியர் வேலைப்பாடுகள் செய்துள்ளது. இதை கண்டுபிடித்த இத்தாலிய சுங்கத்துறை அதிகாரிகள் உடனடியாக அந்தக்காரை பறிமுதல் செய்தனர். சர்வதேச விதிகளை மீறி மிகவும் ஆபத்தான விலங்கான முதலையின் தோலை பயன்படுத்தியதன் காரணமாக காரின் சொந்தக்காரருக்கு மிகப்பெரிய தொகை அபராதமாக விதிக்கப்பட வாய்ப்புள்ளது. இதுகுறித்து வழக்குபதிவு செய்து விசாரணை செய்து வருகின்றனர் இத்தாலி சுங்கத்துறை அதிகாரிகள்.